زينة تشكر محبيها على دعمهم لها في أزمة نسب توأمها

وجهت الفنانة المصرية زينة رسالة شكر خاصة لجمهورها على مساندتهم لها طوال نزاعها القضائي ضد أحمد عز على نسب توأمها عز الدين وزين الدين، والذي انتهى برفض استئناف أحمد عز على الحكم وتأييد المحكمة لإثبات نسبهما للممثل الشهير.

وكتبت زينة عبر حسابها الرسمي على موقع Instagram: "الحمد لله إن ربنا كرمني بفانز زيكم ده كرم كبير أوي ونعمة كبيرة، ساعات بستغرب أنتم أزاي بتحسوا بيا وواقفين جنبي وأنا حتى ماشفتكوش وإيه قوة الحب اللي مخلياكوا خايفين عليا بالشكل ده".

وأضافت: "الحمد لله ده أنا حتى ماسمعتش صوتكوا ولا عارفة معظمكم! دي نعمة وخير كبير واكتر حاجه عجبتني إن معظمكم بنات إلا محمد بشير، أنا ربنا كرمني بدعائكم ليا والله كنت شايلة همكم أوي فوق همي بس ربنا كبير، طبعا بحبكم كلكم بس في منكم المقاتلين اللي بموت فيهم وأي كلمه مالهاش معني جنب فضلهم عليا بعد ربنا، واللي كانوا مش بيناموا علشان يردوا علي الفراخ بشكر كل الناس من قلبي بجد أوي والغريب إن كل واحد فينا من بلد تانية".

واستخدمت زينة لفظ الفراخ أو الدجاج وهو اللفظ الذي دائما ما تستخدمه لوصف أحمد عز.