كشف الفنان المصري محمد كيلاني، عن الفرق بين الجزء الأول والثاني، من مسلسل "الآنسة فرح"، الذي حقق نجاحًا كبيرًا عندما تم عرض الجزء الأول منه، عبر منصة "شاهد" ثم فضائية "mbc4".، موضحًا في تصريحات صحافية: "في الجزء الأول من الآنسة فرح، كان في شوية أساسيات، الناس اتعرفوا على الشخصيات وحبوهم، أما الجزء الثاني، هيعرض أحداث كتير وكل حلقة مختلفة عن التانية، الأحداث بتتحرك بشكل سريع، متهيألي حاجة هتبقى مختلفة تماما".
وتحدث كيلاني عن تعاونه مع كبار الفنانين في مصر، مثل عادل إمام ويحيى الفخراني، قائلًا: "أنا بحس إني محظوظ شوية في الموضوع ده، مثلت مع الأستاذ عادل إمام في فالنتينو، والأستاذ يحيى الفخراني في ونوس، الشغل مع الناس دي بيفرق وبيدي خبرة وفادوني كتير جدا".
وعن ابتعاده عن الغناء منذ فترة كبيرة، قال: "كان عندي مشاكل إنتاجية ومكنتش عارف أغني، لإن كان عندي عقد احتكار، ولكن العقد ده خلص خلاص، وفي السنة الجديدة هيكون في أغنية إن شاء الله مع رأس السنة"، موضحًا: "أكيد بالنسبالي التمثيل حاجة والغناء حاجة تانية، فارق معايا جدا إني أرجع أغني لإن ده المجال اللي الناس ابتدت تعرفني من خلاله".
وعن انتشار المنصات الإلكترونية واتجاه المنتجين إليها لعرض أعمالهم الفنية، قال: "فكرة المنصات كويسة جدا والعالم كله بقى متجه للموضوع ده، وده بيحافظ على الصناعة وعلى حقوق المنتجين كمان".
وبسؤاله أيهما تفضل، عرض أعماله الفنية في رمضان أم خارج موسم الشهر الكريم، قال: "العمل المميز بيتشاف، سواء في رمضان أو برة رمضان"، وعن فيروس كورونا وكيفية تعامله مع الجائحة، قال: "الكورونا بقت حاجة موجودة ولازم نتعايش، بس في حاجات لازم تتعمل وناخد بالنا من أمور كتير، ومبقاش في حد مش عارف إيه المفروض يتعمل، زي ارتداء الكمامة واستخدام المعقمات وغيرها"، موضحًا: "أكيد مش هقدر ألبس الكمامة وأنا شغال باعتباري ممثل، بس على قد ما بنقدر بنحاول نعمل اللي علينا ونخلي بالنا".

قد يهمك ايضا:

محمد كيلاني يُعرب عن سعادته بالمشاركة في "الأنسة فرح"

محمد كيلاني يوضِّح نتائج تحاليل نجله بعد إصابته بـ"كوفيد-19"