وجّهت الفنانة زينة، رسالة إلى الفنان أحمد عز، الذي أثبتت محكمة الأسرة في مدينة نصر، الشهر الماضي، نسب الطفلين "عز الدين، وزين الدين" أطفال زينة له.

وكتبت زينة في رسالتها عبر حسابها على موقع "إنستغرام" لتبادل الصور، "أنا آسفة لجمهوري الغالي اللي وعدته إني مش هذكر المدعو ده تاني، بس كمان أنا مش هسكت لأي كلمة تتقال كدب زي ما وعدتكوا".

وأضافت زينة: "دي رسالة مني ردًا علي البيان المسمى بحوارات صحفية للمدعو أحمد عز، أحب أقوله مش لأن فيلمك فشل والناس مش طايقة تشوفك لأنك ببساطة تصرفاتك لا تمت للرجولة بصلة".

وتابعت زينة: "أحب أقولك استرجل وبطل تجيب اسمي واعرف إن في حكم محكمة وتحترمه غصب عنك لأنه حكم رجع لولادك حقهم وبكره يكبروا ويعرفوا إنك حتى ماتستهلش تكون بني آدم".

واستطردت زينة: "لم نفسك وكفاية رخص وابعد عننا بكدبك الرخيص، وبدل ما تروح نشتكي وتعيط في كل مكان وتعمل شكاوي وتشغل ناس بكدبك احترم حكم المحكمة، أو هات دراعك ناخد منه شوية دم نعمل التحليل DNA دي إن إيه، ده لو عندك أصلًا".

وتابعت زينة: "ولاد عز مش هما سبب فشل ولاد رزق (فيلم من بطولة الفنان أحمد عز يعرض حاليًا في دور السينما)، والمرة الجاية لو فتحت بقك علينا تاني عليا أنا وولادك انتظر المفاجأة في الوقت المناسب كالعادة، وأخيرًا وأنا عارفة أنه صعب أحمد عز حاول تكون محترم وأخيرًا الحمد لله ربنا ظهر الحق وجاب لنا حقنا ابعد عننا بقى وحسبي الله ونعم الوكيل".