دخلت الإعلامية بسمة وهبة، في نوبة من البكاء على الهواء بسبب معايرة إحدى السيدات لها بأنها كانت تتلقى أموالًا من زوجها الأول سعودي الجنسية من أجل أن تصرف على أسرتها ووالدها، موضحة أن تلك الواقعة صحيحة ولا تخجل من ذكرها، مضيفة خلال تقديمها برنامج "هنا القاهرة"، على قناة "القاهرة والناس"، أن تلك الواقعة ليست تهمة لها، حيث إنها دائمًا تعمل على مساعدة أسرتها.

وتابعت وهبة: "عمري ما قولت أبويا مليونير، ولا أنا مولودة غنية، أنا أبويا موظف محترم وأخلاقه الناس بتتحاكى بيه"، مضيفة: "جزمة أبويا على دماغي من فوق وأي حد من أسرتي، لو أطول أمشي بجزمهم على دماغي أعمل كده، أساعدهم، ومش هتأخر عنهم، أبويا تعب في تربيتي عشان أكون أنا بسمة وهبة اللي قاعدة قدامكم، لما ربنا يكرمني مش عاوزني أعمل معروف مع أهلي إزاي، أنا مش قليلة الأصل".