نشر الفنان الشعبي سعد الصغير، تفاصيل جديدة حول رحيل الراقصة غزل، التي وافتها المنية، أمس، بأحد المستشفيات، حيث نعاها الصغير، عبر حسابه الشخصي على موقع التواصل الاجتماعي "إنستغرام" ونشر صورة لها، مؤكدًا أنها لم ترحل نتيجة عملية إجهاض كما يتردد.

وعلق سعد على صورة الراحلة: "البقاء لله الفنانة الاستعراضية غزل، ربنا يرحمها يا رب ويغفر لها، أنا بس يا جماعة كنت عايز أوضح حاجة بسيطة عشان أنا من الناس اللي عارفة الموضوع، واللي حصل غير الإشاعات اللي بتنزل دلوقتي، والحوارات دي كلها في حد ربنا افتكره فللزمن أقول الحقيقة عشان حرام اللي بيتقال"

وتابع سعد: "الموضوع كله إن غزل كانت حامل، وأنا مقرب جدًّا من جوزها، والساعة 1 ونص جوزها عمرو كلمني وقالي يا سعد، غزل بتقولي أنا هموت، خلصت الشغل وروحتلهم المستشفى، واتقابلنا أنا وعمرو وطالعين لها لاقينها توفت، اللي حصل إنها كانت حامل واتزحلقت والبيبي نزل من شهرين".

وأضاف: "بعدها راحت لمستشفى كده لدكتورة ابتدائية باين لسه، وهي بتعمل عملية خدت بنج زيادة فاتوفت ربنا يرحمها وأنا بس قلت أوضح للناس، كلنا رايحين لله، مهما كان الشخص ده ربنا يرحمه علشان الكل يفهم بس".