علق الإعلامى أسامة كمال مقدم برنامج مساء DMC، على هجوم إرهابيين، استهدف منطقة تمركز قوات الشرطة جنوب غرب العريش، أدى إلى مصرع 7 عناصر أمنية، إلى جانب 4 متطرفين.

 وقال كمال عبر برنامجه مساء DMC : " مش كتير اللي خدوا بالهم من خبر الاستشهاد اللى تضاءل ع السوشيال و مواقع الأخبار من كتر الاخبار اللى بتتنشر عن عمرو ورده، وبجد دي مصيبة في رأيي تأثر على الروح المعنوية لرجالتنا اللي بيحاربوا الارهاب حرب وجود".

وتابع كمال "أنا الحقيقة ما عنديش علم لو كانت الكماين الثابتة مؤثرة ولا مضرة، عشان مادرستش في الجامعة فن الكماين ولا تحركات القوات وانتشارها فما بقدرش أفتي، لكن الناس التانية عندها قدرة فتوى عالية مع إنهم زيهم زيي مالهمش فيها، بس تقول ايه؟".

وأردف" :انشغالنا بالروح المعنوية بلاعيبتنا في المنتخب، أنا أسف وعارف إن كلامي مش هيعجب، روح الرجالة دول المعنوية أهم من روح لعيبة المنتخب.. أنا أسف تاني ماتزعلوش، رأيي البطولة المهمة مش بأهمية ضفر جندي واحد من رجالنا".

ونعى كمال شهداء الحادث قائلا" ربنا يرحم شهداءنا.. الشوية القليلين اللي الموضوع لفت نظرهم، معظمهم وجه بالانتقاد للكامين الثابتة".

قد يهمك أيضــــــــــــــــًا :

الإعلامي أسامة كمال يشن هجومًا على المسؤولين في مصر

الإعلامي أسامة كمال يكشف حقيقة جنسية والدة جميل راتب