أكّدت الإذاعية إيناس جوهر، أنه كلما كان الشخص مثقفًا ومطلعًا على الكتب ازداد التشوق للميكروفون أكثر، مضيفة "اخدت كورس ميكسر عشان أقدر أتعامل معاه، كان زمان مفيش الكلام ده، ودلوقتي المذيع بيعمل كل حاجة، ودي خطوة أخدتها في التعليم"، وعن الظهور في بث مباشر على موقع "فيسبوك"، قالت ما زالت فكرة غير محببة لها، "لما حد يقولي أدخلي لايف أقوله ولا عاوزة أدخل ولا أخرج مبحبش".

وروت الإذاعية خلال برنامج "كلام ستات"، المذاع على شاشة "ON"، الذي تقدمه الإعلامية شريهان أبوالحسن، والفنانة نهال عنبر، وندى رحمي، أحد المواقف الطريفة التي حدثت في حياتها قائلة: "كنت عملت عملية الأعور، وبقول لوالدي ووالدتي أنا عاوزة أروح النادي فقالولي، لا فروحت ماسكة بطني وناطة من الشباك، كنت ساعتها في الثانوية العامة"، مضيفة ساخرة: "الأعور خف من النطة".

وأضافت أن كل مذيع له كاريزما أمام الميكروفون "لما كنت مع بابا شارو في الحلقة، فخد المخرج حسني غنيم، مش أنا، جملة يا واد يا تقيل بتاعت سعاد حسني ورا جملة هو هيقولها، فبابا شارو وقفنا وقالي إنتي بتقولي له يا واد يا تقيل، فقولتله دة مش أنا دة سعاد حسني، فاتعاقبنا عشان خدنا يا واد يا تقيل".

قد يهمك ايضا :

خبراء أمن الإنترنت يحذّرون مستخدوا الإنترنت من البرامج الضارّة

الأطباء الصينيون يتمكنون من معالجة المصاب الأكبر سنا بفيروس "كورونا"