وجّهت الفنانة الاستعراضية سما المصري رسالة إلى النجم محمد رمضان، بعد أن نشر مقطع فيديو لمجموعة من سياراته الفارهة، عبر صفحته الشخصية بموقع تبادل الصور والفيديوهات "إنستغرام".

ونشرت سما صورة لمحمد رمضان وكتبت عليها قائلة" بص يا محمد أنت نجم ونجم كبير مش صغير والناس بتحبك عشان أنت فعلا تعبت والشباب نفسها تبقي زيك في كفاحك ونجوميتك وجمهورك من الغلابه اللي شايفينك قدوه ليهم بلاش تجرح مشاعر الغلابه دول بتصويرك كل شويه للعربيات اللي عندك".

وتابعت "ربنا يديك اكتر واكتر عربيات وفيلل وكل حاجه حلوه انت تعبت وتستاهل بس راعي ظروف الشباب الغلبان اللي بيحبك انهم يا عيني ظروفهم مش مساعداهم انهم حتي يتجوزوا بسبب ظروف البلد...خليك دايما واحد منهم حته منهم ذي ما هم شايفينك دايما يا سيدي داري علي شمعتك تقيد"، وأضافت" في ناس بتحقد كتير وعينها وحشه والناس التانيه غلابه ونفسهم في لقمه عيش حاف خاف علي مشاعرهم شويه انا عارفه انك تتمني لكل الناس الخير وبتحب جمهورك ومش قصدك تجرحه بس الغلابه ما بيحسبوهاش كده"، واختتمت "خليك دايما عندهم أسطورة بفنك مش اسطورة بعربياتك.. انت جدع وابن بلد وربنا هيديك من خيره أكتر وأكتر بس خلي بالك من الغلابه وظروفهم والشباب التعبانة اللي نفسها تفرح ومش عارفه...ربنا معاك".