شنّت الفنانة الاستعراضية سما المصري، هجومًا حادًا على الفنانة شيرين عبد الوهاب، بعد إساءتها مياه النيل عقب مطالبة أحد جمهورها اللبناني بغناء أغنية "ما شربتش من نيلها" لترد شيرين: "هيجيلك بلهارسيا".

وكتبت سما، عبر حسابها على انستغرام: "إن كنتوا نسيتوا اللي جرى، الله يرحم أيام الكحرتة، الأخت الفنانة شيرين في واحدة خلال حفلة طلبت منها أغنية (ماشربتش من نيلها) فردت عليها وقالت لها (هيجيلك بلهارسيا)، اشربي (مياه .... أحسن).

ونشرت سما صورة لشيرين في بداية مشوارها الفني، قائلة: "دي صورة الأخت الفنانة شيرين أيام ما كان عندها بلهارسيا، أيام ما كانت بتشرب من مياه النيل قبل ما تتعلم إنجليزي وتعرف تقول اسم المياه المعدنية بالإنجليزي، اللهم يرحم كنتي زمان، وكنتي فاكره الكريسماس آيس كريم انتي اللي قلتيلي كده فاكرة؟".

وتابعت سما: "بصي أنا مش هقولك مصر اللي عملتك ولا مصر اللي نضفتك زي ناس كتير ماهتقولك كده لا سمح الله، لا أنا هقولك ميه البلهارسيا دي بتاعت مصر، عارفه يعني إيه مصر ولا مش عارفه؟، هي المياه دي اللي خلتك شيرين والعيب مش عليكي العيب على اللي لسه بيقول عليكي فنانة ونجمة وأنتي طايحة في خلق الله، مرة عمرو دياب ومرة شريف مدكور وصوتي لعساف ضد أحمد جمال ابن بلدك".

وأضافت سما: "بصي يابنتي أنا عارفة إنك بتحبي لبنان عشان ماعندهمش بلهارسيا زينا، ريحينا منك ومن لسانك على الناس وعلى مصر اللي بقى يقل أدبه حتى على مصر اللي ربتك وروحي عيشي في لبنان والله هنكسر وراكي زير، بلد البلهارسيا ماتنفعش تعيش فيها واحدة زيك بتاعت مياه معدنية وفساتين براندات وبارفانات وحاجات، سيبي دا للغلابة، فاكره مطعم .... اللي في المنيل اللي نصر محروس أخدك منه وانتي بتغني هناك بالشبشب أبو وردة؟، لسه موجود المطعم ويشهد أنك كنتي مش لاقيه حتى تشربي مياه البلهارسيا لا أنتي عارفه كنتي بتشربي مياه إيه".

وتابعت: "أيوه هي المياه الصفرا دي هي دي اللي كنتي بتشربيها اللي كلها أملاح دي، دي فعلا اللي تليق ليكي، ياتروحي لبنان ياترجعي تشربي المياه الصفراء المملحة يا تعتذري لمصر، مصر اللي عملت منك فنانة وتعتذري للمصريين كلهم، ملعون أبو الشهرة ياشيخه اللي نسيتك أصلك وأهلك وبلدك، دا انتي مفيش دم ولا إحساس ولا أي حاجة".

"مصر بتمسي عليكي بصورتك القديمة دي وبتقولك أوعي تنسي نفسك لأنك لو نسيتي المصريين مابينسوش، سبحان العاطي الوهاب بعد الشبشب والقبقاب يا بنت عبد الوهاب،  لو مش عاجبك البلهارسيا عشان انتي ماتستحقيش تقعدي في مصر، طبعا الحبيبة هيقولوا لي بصي للبسك الأول، أيوه بلبس كل حاجة وحشة في نظركم بس لا أهين بلدي واللي يهين بلدي أقطع له لسانه حتي لو آه ياليل، ليل أسود ياشيخة عليكي لما تتريقي على بلدك، اخس على الفلوس اللي بتغير النفوس".